اصبحنا مثل خراف العيد الجميع ينتظر الذبح و يقف كالمتفرج في انتظار دوره دون ان يحرك ساكن .. بالامس القريب كان خالد سعيد ثم سيد بلال و من ايام مينا دانيال و اليوم عصام عطا .. و الاسماء لن تنتهي
لن نتنتهي الاسماء لاننا نستاهل اكتر من كدة كمان .. !
عشان يوم ما تم الاستخفاف بعقول الشعب و كان اول قضايا تم حبس العادلي و مبارك فيها هي قضايا فساد مالي و ليس قتل المتظاهرين و برضو سكتنا ... فيما يبدو ان المال وقتها كان اهم من دماء 1000 شهيد
و لما يطلع وزير الداخلية و يؤكد اكثر من 7 مرات بعدم وجود قناصة في جهاز الشرطة و بعدها مصر كلها تري شعار قسم كامل داخل الجهاز للقناصة و يظل هذا الكذاب علي كرسية .. " يبقي نستاهل برضوا اكتر من كدة"
و لما نفس الوزير يطلع تاني بمنتهي التبجح يعلن من يقترب من وزارة الداخلية سنطلق علية رصاص حي و لا نتحرك كشعب ... "برضوا نستاهل"
و لما رئيس وزراء يتفترض فيه انه محترم "مش طرطور" بعد يتم دهس اكثر من 27 مواطن بعجلات الجيش و كل ما يقوم به هو بيان ثلاث دقائق في منتصف "يبقي احنا بنهرج ان دي يفضل وزير اصلا"
لما شخصيات امثال وائل الكومي اللي قتل العشرات في الاسكندرية يتنقل جهاز تاني داخل الشرطة بمرتب ضعف ما كان يحصل علية .. و لما خمسة من ظباط امن الدولة متهمين في قتل سيد بلال كلهم يتم اطلاق سراحهم .. و لما اتنين بلطجية قتلوا مع تعمد القتل خالد سعيد يأخدوا فقط سجن 7 سنين و ليس اعدام .. و لما قانون الطوارىء , و لما المجلس العسكري يحكم لحد 2013 , و لما المشير يستغفل الشعب بالبدلة المدني , و لما احداث سيناء , و لما احداث السفارة , و لما احداث 6 اكتوبر , و لما الشرطة مش عاوزة تشتغل , و لما الشرطة العسكرية تحولوا الي بلطجية مثل الداخلية
اسئل تاني – لماذا قامت الثورة اصلا لزيادة مرتبات و اجازات ؟ - هي قامت في مصر اصلا – و لا احنا اللي شعب اهبل اوي و خلصنا يوم 11/2 لما مبارك عمل نفسة انه مشي – اهو مبارك و كلابه بيطلعوا لسانهم للشعب دلوقتي – هي فين الثورة
