قال مصري يوم الاربعاء انه عرض على المراسل التلفزيوني العراقي منتظر الزيدي
راشق الرئيس الامريكي جورج بوش بالحذاء أن يصير زوجا لابنته الطالبة الجامعية
ومُستعد لتجهيزها وإرسالها الى العراق حال تلقيه الموافقة.
وأضاف "لم أجد أغلى من ابنتي أُقدمها له ومُستعد لتجهيزها بكل لوازم الزواج
بعد ساعات من عرض مواطن مصري على الصحفي العراقي منتظر الزيدي الذي قذف الرئيس
الأمريكي جورج بوش بالحذاء زواج ابنته, أعلنت عائله بالضفة الغربية اليوم الخميس عن
تبرعها بعروس محمله بالذهب وكافة مسلتزماتها تصل إلى بغداد, فضلاً عن تغطية كافة
نفقات محامي الدفاع عن الزيدي كاملةً.
مجرد رأي في موقف الشعوب العربية .. فمنذ ان فعل منتظر الزيدي ما فعل ببوش في المؤتمر و رمي الجزمة عليه و كل العرب فرحنين ولا كأنها عبور 73 و اصبح منتصر البطل القومي العربي و كمان الناس اصبحت عاوزة تهاديه ببناتها... انا مش بقلل من منتصر و لكن هل وصل العرب و الشعوب العربية من الضعف و الهوان الي هذة الدرجة .. ان تصرف زي دي يخلي الكل فرحان الفرحة دي ... بالظبط زي واحد بيتخانق مع واحد عملاق و مش عارف يعمل معه اي حاجة و في وسط الخناقة راح معدي واحد مجنون وراح ضربة علي قفاه و جري فكل اللي في الخناقة بقي فرحان جدا عشان اتهزاء من مجرد فرد ضربة و جري ... هو بالظبط الموقف بصراحة مش قادر اشوفة غير انة خيبة للعرب و مش لاقي اي تفسير لة غير كدة .. بوش عمل مجازر و خرب الدنيا و قسم العراق و شوية يضرب في سوريا و حبة مش عارف يعمل اية فين و بعد كل دي احنا كعرب نرد علي كل دي بفردة جزمة و كفى الله المؤمنين شر القتال و نهلل علي كدة و نكبر علي هذة الجزمة الرائعة اللي في نظر الناس ردت للعرب كرامتهم مرة تانية .... " علي الرغم من انة بوش و ادارة الامريكية و من ورائه اوباما لايزال راكب عالعراق و مدلدل رجلية" علي الوطن العربي كلة
