Tuesday, October 28, 2008

كل يومين قفا ... ياحلاوة الجيش السوري

وقال بيان الجامعة العربية "هذا الانتهاك لا يساعد على الاستقرار في المنطقة ويفتح
الباب لتوترات جديدة ويدمر مصداقية التحرك نحو السلام والاستقرار في العراق
وجواره."
وأضاف أن الجامعة العربية تتضامن "مع سوريا في حقها في الدفاع عن
أراضيها وحماية شعبها وصون سيادتها."
وتابع أن الجامعة العربية تطالب
بتحقيق "لمعرفة مختلف جوانب ملابسات هذا الاعتداء البشع ومحاسبة الجهات المسؤولة
عنه

--
منذ ان طالعت هذا الخبر العجيب و انا ماسك نفسي بالعافية و مش عاوز اكتب او اعلق و انا اصلا بقالي فترة طويلة مش عاوز اقراء او اتابع سياسة لاني بصراحة قرفت اوي من العرب كلهم المهم ... نرجع تاني لسوريا .. بتخيل انا كدة و انا قاعد طائرة هليكوبتر امريكية و ليست كاسرة لحاجز الصوت اي تتمخطر في السماء علي مهلها تماما و تشيل مجموعة من الكومندوز الامريكين .. تقوم تيجي الطيارة اللي بتتمخطر دي و فيها مجموعة الناس دول و يدخلوا المجال الجوى السوري و اوم اية تنزل الجنود دول و هاتك ياضرب نار و بعدة كدة كما كنت .. ولا عسكري سوري واحد فكر يرفع حتي شماعة .. دي اية دي ... امال فين الجيش السوري اللي كان فارد عضلاتة علي لبنان ما سمعوش عن حاجة اسمها دفاع جوي و ان فرض انة مافيش نظام دفاع جوي طب ولا جندي واحد في المنطقة دي يرد حتي برصاصة واحد ... بلاش طب يحدف طوب لو مش معة سلاح ..دي اية قمة المهزلة و قمة التخاذل العربي دي ... للدرجة دي بقي سهل ان اي دولة عربية تاخد علي قفاها و ولا كان فية حاجة يادوب بيان من الجامعة العربية و كان الله بالسر عليم .. يبقي نبطل سياسة و متابعة سياسة ولا لا هذا ولن ازيد